नौनी जस्तो मन (फुटकर कविता)
यो नौनी जस्तो मन
चोट पाउँदा छिया छिया हुने
गनी गनी आफ्नैले पिडा दिने
पराइभन्दा आफ्नैले चिरा पार्ने
कहिलेसम्म जीउँदै जीउँदै मार्ने?
त्यसैले,
मन त ढुङ्गा कै भए बेस ।
ढुङ्गाको मन
चिरा परोस या टुक्रा
फरक पर्दैन
अजम्बरी हुन्छ
कहिल्यै मर्दैन ।
न त जसले पायो उस्ले छुन्छ?
न त दु:खको रापले जल्छ?
न शोकमा बल्छ
न भोकमा ढल्छ ?
नदीको वेग पनि सहन्छ
बाढीले बगाओस्
तर ढुङ्गा ढुङ्गै रहन्छ
त्यसैले मन त ढुङ्गा कै भए बेस ।
मनकुमार जुग्जाली
मंगला-१, भर्जुला, म्याग्दी
शिक्षक श्री थाइबाङ्ग आधारभूत विद्यालय
मंगला-१, थाइबाङ्ग, म्याग्दी
